Минтақа ва ҶаҳонТОҶИКИСТОНХабарҳои кӯтоҳҶомеа

Сарони кишварҳои Осиёи Марказӣ мулоқоти машваратӣ баргузор мекунанд

Сарони Тоҷикистон, Туркманистон, Ӯзбекистон, Қазоқистон ва Қирғизистон тасмим доранд, дар бораи дӯстӣ, ҳамсоягии нек ва ҳамкорӣ санаде ба имзо расонанд

ДУШАНБЕ, 1 июл — Sputnik. Раҳбарони кишварҳои минтақаи Осиёи Марказӣ дар назар аст, ки мулоқоти машваратӣ баргузор кунанд. Дар ин бора зимни як гуфтугӯи телефонии раисҷумҳурони Тоҷикистон Эмомалӣ Раҳмон ва Қирғизистон Содир Ҷабборов маълум шуд.

Дар суҳбат сарони давлатҳо ба масъалаи дар ояндаи наздик баргузории ҷаласаи машваратии кишварҳои Осиёи Марказӣ дахл карданд.

Тафсилот дар бораи санаи музокирот ва макони баргузории онҳо ҳанӯз дастрас нест.

Аммо қаблан зимни гуфтугӯи телефонии Қосим-Ҷомарт Тоқаев, раисҷумҳури Қазоқистон ва Шавкат Мирзиёев, президенти Ӯзбекистон, ки ҳамзамон мулоқоти машваратии дарпешистодаро баррасӣ карда буданд, эълом шуда буд, ки ин чорабинӣ тобистони имсол баргузор мешавад.

Ёдовар мешавем, мизбони қаблии ин нишаст, ки моҳи августи соли 2021 доир шуд, Туркманистон буд. Истисно нест, ки чорабинии дарпешистода низ дар ҳамон моҳ сурат бигирад.

Добавить комментарий

Ваш адрес email не будет опубликован. Обязательные поля помечены *

Back to top button