МАРГИ РОНАНДАИ НОБОЛИҒ ДАР РОҲИ КОРХОНАИ СЕМЕНТИ ДУШАНБЕ
![](https://bomdodi.com/wp-content/uploads/2022/11/13112798310439047934.jpg)
МАРГИ РОНАНДАИ НОБОЛИҒ ДАР РОҲИ КОРХОНАИ СЕМЕНТИ ДУШАНБЕ
Маркази матбуоти ВКД Тоҷикистон хабар дод, ки нимаи дуюми рӯзи 30-юми октябри соли 2022, тахминан соати 16:10, ноболиғ Тағоймуродов Нурмаҳмад Зокирович, соли таваллудаш 2005, сокини пойтахт, бе шаҳодатномаи ронандагӣ автомашинаи тамғаи “Мерседес-Бенс”-ро ронда, ҳангоми ҳаракат аз самти кӯчаи Рӯдакӣ ба самти роҳи мошингарди корхонаи сементбарории шаҳри Душанбе аз уҳдаи идораи воситаи нақлиёт набаромада, ба симчӯби рости роҳ бархӯрдааст.
Дар натиҷа, худи ронандаи ноболиғ Тағоймуродов Н.З. ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидааст. Мусофири ин мошин Сатторов Ҷамолиддин, соли таваллудаш 1997, сокини шаҳри Душанбе ҷароҳати ҷисмонӣ бардошта, дар беморхона бистарӣ гардидааст.