Хабарҳои кӯтоҳҶомеа

Ноболиғ зери чархи «Лексус RХ-350» ҷон дод: ВКД ҳодисаро таҳқиқ мекунад

Дар пайи ноуҳдабароии ронандае дар Тоҷикистон ноболиғе зери чархи мошин монду ҷон дод. Мақомот ҳодисаро таҳқиқ ва барои пешгирии чунин ҳаводис чора меандешанд

ДУШАНБЕ, 8 сен – Sputnik. Садами мудҳиши нақлиётие дар ноҳияи Рӯдакӣ боиси марги мактабхоне шуд.

Ноуҳдабароии ронандаи худрави «Лексус RХ-350» дар ҳудуди ноҳияи боиси марги писари 9-сола шуд, хабар медиҳад, дафтари матбуотии Вазорати корҳои дохилӣ.

Тибқи иттилои ин ниҳод, ҳодисаи нохуш нисфирӯзии 7-уми сентябр, соати 12:30 дақиқа рух додааст.

Гуфта мешавад, ки ронандаи автомашина, Шарифзода Муҳаммади 27-сола, сокини ноҳияи Қубодиён, ҳангоми харакат дар шоҳроҳи “Душанбе-Бохтар” аз уҳдаи идораи воситаи нақлиёт набаромада, пиёдагарди хурдсол Лақаев Абубакрро пахш намудааст.

«Дар натиҷа хурдсол ҷароҳатҳои вазнин бардошта, дар ҷойи ҳодиса ба ҳалокат расидааст», — омадааст дар хабар.

ВУД мегӯяд, дар бораи ҳодисаҳо рухдода таҳқиқот идома дорад.

Маврид ба зикр аст, ки ахиран ин ниҳод аз марги як духтарчаи 10-сола зимни садамаи нақлиётӣ дар ҳудуди ноҳияи Кӯшониён хабар дода буд.

Добавить комментарий

Ваш адрес email не будет опубликован. Обязательные поля помечены *

Back to top button