Президенти пешини Қазоқистон Нурсултон Назарбоев ба мардуми Қазоқистон муроҷиат кард (Видео).

Президенти пешини Қазоқистон Нурсултон Назарбоев ба мардуми Қазоқистон муроҷиат кард. Ин нахустин суханронии сарвари собиқи давлат пас аз фаро гирифтани нооромиҳо дар кишвар аст. Эътирозҳо дар рӯзҳои аввали моҳи январ оғоз шуда, зуд ба даргириҳо мубаддал шуданд. Назарбоев дар утоқи кориаш дар паси парчамҳои кишвар нишаста, бо ду забон сӯҳбат мекард. Вай изҳор дошт, ки ҳодисаҳои январ тамоми Қазоқистонро такон дод, аммо овозаҳо дар бораи муноқиша дар элитаи Қазоқистонро рад кард. Назарбоев таъкид кард, ки президенти феълии ҷумҳурӣ Қосим-Ҷомарт Тоқаев қудрати комил дорад. Суханронии Назарбоевро дар канали мо тамошо кунед.