Хабарҳои кӯтоҳ

«Толибон»* дар набардҳои шадид бо Ҷабҳаи муқовимат талафот доданд

Даргирӣ байни «Толибон» ва нерӯҳои муқовимат дар музофоти Бағлон, воқеъ дар ҳамсарҳадии ҷанубу шарқ бо Панҷшер сурат гирифт

ДУШАНБЕ, 18 окт — Sputnik. Ҷангҷӯёни «Толибон»* дар набардҳои шадид бо Ҷабҳаи муқовимати миллӣ талафот доданд, хабар медиҳад «Коммерсант».Даргириҳо дар навоҳии Пули Ҳисор ва Деҳсалоҳи музофоти Бағлон, ки дар ҷанубу шарқи Панҷшер воқеъ аст, ба вуқӯъ пайвастанд.Ба гуфтаи манобеъ, «Толибон»* дар ҷараёни набардҳо беш аз 60 нафарро аз даст дода, маҷбур ба ақибнишинӣ шудаанд.Далели задухӯрдро «Толибон»* расман тасдиқ карда, гуфтаанд, ки онҳо низ се муқовиматгарро аз байн бурдаанд.

Қаблан хабар дода шуд, ки ду фармондеҳи Ҷабҳаи муқовимати Афғонистон дар даргирӣ бо ҷангиёни «Толибон»* дар минтақаи Андароби Бағлон кушта шудаанд.

Вазъ дар Афғонистон

Вазъи низомӣ-сиёсии Афғонистон дар моҳи июн дар пасманзари хуруҷи нерӯҳои амрикоӣ шиддат гирифт. Хусусан задухӯрдҳои шадид дар наздикии марзҳои Тоҷикистон ва Эрон сурат гирифт.Дар миёнаҳои моҳи август, пас аз он ки «Толибон» Кобулро ишғол карданд, Ашраф Ғанӣ, раиси ҷумҳури Афғонистон аз кишвар фирор кард. Пас аз он дар Афғонистон ҳукумати давраи гузариш таъсис ёфт, ки сарвараш Муҳаммад Ҳасан Охунд аст. Раҳбари «Толибон»* Ҳайбатуллоҳ Охундзада раҳбари олии Афғонистон шуд.

Панҷшер ягона вилоят буд, ки аз ҷониби ҷангиён назорат намешавад. Вилоят дар шимолу шарқи Кобул ҷойгир аст ва аз ҷиҳати аҳолӣ ва масоҳати хурдтарин дар Афғонистон аст. Дар авоили моҳи сентябр «Толибон»* аз ишғоли Панҷшер, охирин вилояти 34 вилояти Афғонистон хабар доданд, аммо Ҷабҳаи муқовимат гуфт, ки на ҳама минтақа таҳти назорати ин гуруҳ аст ва муқовимат барои озодӣ идома дорад.Ёдовар мешавем, Афғонистон тайи беш аз ду моҳ аст зери идораи «Толибон»* қарор дорад, аммо то ҳанӯз ҳеҷ кишваре онҳоро ба расмият нашинохтааст.

Добавить комментарий

Ваш адрес email не будет опубликован. Обязательные поля помечены *

Back to top button