Ҳалокати чор нафар ва захмӣ шудани ҳафт тани дигар дар пайи ду садамаи мудҳиш

ДУШАНБЕ, 22 апр — Sputnik. Давоми як рӯз дар роҳҳои Тоҷикистон зимни ду сонеҳаи нақлиётӣ чаҳор тан ҳалок гардидаву ҳафт тани дигар дар беморхона бистарӣ шудаанд, хабар медиҳад КҲФ.

Ба иттилои манбаъ, ҳодисаи нахуст санаи 21-уми апрели соли 2022, соати 09:20 дар шоҳроҳи Ваҳдат-Файзобод дар наздикии шаҳри Ваҳдат рух медиҳад.

Мошини тамғаи тамғаи «Хундай» таҳти идораи марди 30-солаи сокини шаҳри Ваҳдат суръатро баланд карда, идораро аз даст дода, ба хатти муқобил мебарояд.Дар натиҷа мошини ӯ ба худрави тамғаи «Опел-Вектра», ки ронандаи марди 31-солаи сокини шаҳри Ваҳдат буд, бархӯрдааст.