ТОҶИКИСТОНХабарҳои кӯтоҳҶомеа

Вазири корҳои дохилӣ Рамазон Раҳимзода: Дар Тоҷикистон 579 нафар аъзои гуруҳҳои террористӣ боздошт гардиданд

ДУШАНБЕ, 02.02.2022 /АМИТ «Ховар»/. Давоми соли 2021 дар Тоҷикистон 579 нафар аъзои гуруҳҳои террористӣ боздошт гардиданд. Дар ин бора имрӯз зимни нишасти матбуотӣ Вазири корҳои дохилии Ҷумҳурии Тоҷикистон Рамазон Раҳимзода изҳор дошт, иттилоъ медиҳад хабарнигори АМИТ «Ховар» аз ҷараёни нишасти матбуотӣ.

Вазир илова намуд, ки дар ин самт кор бо вазоратҳои корҳои дохилии кишварҳои узви СААД, бахусус Русия тақвият бахшида мешавад.

Рамазон Раҳимзода ҳамчунин иттилоъ дод, ки давоми соли сипаригашта аз ҷониби ҳамаи субъектҳои бақайдгирӣ-баҳисобгирӣ 24 ҳазору 118 ҷиноят ошкор гардидааст. Аз ин шумора 15 ҳазору 563 ададро кормандони мақомоти корҳои дохилӣ ошкор намудаанд.

Тафсилоти бештар аз ҷараёни нишасти матбуотии Вазири корҳои дохилӣ нашр мегардад.

Добавить комментарий

Ваш адрес email не будет опубликован. Обязательные поля помечены *

Back to top button