ВидеоМинтақа ва ҶаҳонХабарҳои кӯтоҳҶомеа

Ӯзбекистон нахустин ҳавопаймои бесарнишин дар Осиёи Марказӣ сохт — видео

ДУШАНБЕ, 18 янв — Sputnik. Ӯзбекистон роҳи истеҳсоли ҳавопаймои низомии бесарнишинро аз худ кард.Дар ин бора Sputnik Ӯзбекистон бо такя ба Кумитаи давлатии саноат хабар медиҳад.»Дар назди Кумитаи давлатии саноати дифоъ як маркази илмӣ-истеҳсолии системаҳои бесарнишини ҳавоӣ таъсис дода шуд. Дар ин марказ истеҳсоли ҳавопаймоҳои бесарнишини «Лочин» (Сокол), ки ба талабот ва стандартҳои байналмиллалии фаннӣ комилан ҷавобгӯ аст, ба роҳ монда шудааст», — гуфтанд дар Кумитаи давлатӣ.

Хусусиятҳои техникии дастгоҳ ва иқтидори истеҳсолии он ошкор карда нашудааст. Наворҳои Кумитаи давлатй гувоҳӣ медиҳанд, ки маркази УАВ дар марҳалаи аввал истеҳсоли ду намуди дрон — навъи ҳавопаймо ва квадрокоптерро азхуд кардааст.Маркази бунёдшуда бо таҷҳизоти технологӣ, лабораторӣ ва озмоишӣ барои истеҳсол, ҷамъоварӣ, таъмир ва хидматрасонии ҳавопаймоҳои бесарнишин пурра муҷаҳҳаз шудааст.

Добавить комментарий

Ваш адрес email не будет опубликован. Обязательные поля помечены *

Back to top button