Падари Чоршанбе пас аз дидор бо ӯ: Ҷои гарм, либоси тоза ва шароити хуби тамрин дорад

ДУШАНБЕ, 13 янв — Sputnik. Чоршанбе Чоршанбиев, размикор ва блогери боздоштшудаи тоҷик ахиран иҷозати дидор бо пайвандонашро дарёфт кард.Ба хабаргирии ӯ падар ва модаркалонаш рафтаанд ва пас аз дидор бо ӯ аҳволи Чоршанберо хуб арзёбӣ карданд.Пайвандони размикори боздоштшуда пас аз вохӯрӣ бо ӯ дар боздоштгоҳ дар як сабти мустақими видеоии Музаффари Имомдод, яке аз фаъолони ҷамъиятӣ дар кишвар таассуроти худро аз дидани Чоршанбе баъди чанд рӯзи дар боздоштгоҳбуда изҳор доштанд.Авазхон Чоршанбиев гуфт, фарзанди ӯ дар боздоштгоҳ бо ҷойи гарм, либоси тоза таъмин аст. Ба таъкиди ӯ, барои Чоршанбе ҳатто шароити тамрин кардан ҳам фароҳам оварда шудааст.