Толибон кучи маҷбуриро дар Панҷшер оғоз кардаанд
Ҷабҳаи Муқовимати Миллӣ аз раванди муҳоҷирати иҷбории мардуми Панҷшер хабар додДУШАНБЕ, 10 сен – Sputnik. Ҷабҳаи Муқовимати Миллии Афғонистон дар Твиттер навишт, ки раванди қатли ом ва муҳоҷирати маҷбурӣ ва оммавии мардуми Панҷшер аз ҷониби Толибон* идома дорад.Гeфта мешавад, ки мардум дар ҳоли тарк кардани хонаҳои худ ҳастанд.»Ҷабҳаи муқовимати миллии Афғонистон муқовимат бо таҷовузкоронро идома медиҳад. Озодӣ ва шаъну шарафи инсонӣ эҳё хоҳад шуд ва ҳақиқат бар Толибон пирӯз хоҳад шуд», — омадааст дар идомаи паём.
جبهه مقاومت ملی افغانستان@NRFAfghanistanروند قتل عام و کوچ اجباری و دسته جمعی مردم #پنجشیر از سوی گروه تروریستان همچنان ادامه دارد.مردم در حال ترک آشیانه خود هستند. جبهه #مقاومت‌ملی#افغانستان همچنان در حال مقابله با متجاوزین است.آزادی‌خواهی و شرافت انسانی جانی دوباره خواهد گرفت و حق و حقیقت در مقابل طالبان پیروز شود1:16 AM · Sep 10, 2021
Ёдовар мешавем, Солеҳ Муҳаммади Регистонӣ, фармондеҳи низомии Ҷабҳаи Муқовимати миллии Афғонистон дар як муроҷиати видеоии худ изҳор дошт, ки муқовимат дар Афғонистон идома дорад ва Толибон* бояд мунтазири қиёми саросарӣ дар Афғонистон бошанд.Муроҷиати Солеҳ Регистонӣ, фармондеҳи Ҷабҳаи Муқовимат ба мардуми Афғонистон — наворДар ин навор Солеҳ Муҳаммади Регистонӣ мегӯяд, ки Толибон* як гурӯҳи мутаассиб, ситамгар ва мутаҷовиз аст, ки бар амнтарин вилояти Афғонистон яъне Панҷшер таҷовуз кардааст ва имрӯз фазои ваҳшат ва бераҳмиро дар ин вилоят мусаллат сохтааст.Инчунин, Регистонӣ аз ҷомеаи ҷаҳонӣ хоҳиш кардааст, ки ба ҳеҷ ваҷҳ Толибонро* ба расмият нашиносанд.* — ташкилоти террористие, ки дар Русия Тоҷикистон ва як қатор кишварҳо мамнуъ аст.
