УмумӣХабарҳоҶомеа

Ҳаво дар Тоҷикистон то 38 дараҷа гарм мешавад

Ҳарорати ҳаво дар Тоҷикистон вобаста ба минтақаҳо фарқ карда, дар бархе минтақаҳо то 4 дараҷа сард мешаваду дар қисме то наздики 40 дараҷа гармӣ мерасад

Ҳаво дар Тоҷикистон камабри тағйирёбанда дар назар аст, иттилоъ дод Агентии обуҳавошиносии ҷумҳурӣ.

Ба иттилои манбаъ, дар ВМКБ ҳавои тағйирёбанда пешгӯӣ шуда, дар баъзе ноҳияҳо борони кӯтоҳмуддат ба амал меояд.

Ҳарорат дар ғарби вилоят шабона 8+13 дараҷа гарм ва рӯзона 20+25 дараҷа гарм дар назар буда, дар шарқи вилоят шабона аз 4 дараҷа хунук то 1 дараҷа гарм, рӯзона 9+14 дараҷа гарм мешавад.

Суғдро ҳавои тағйирёбандаи бебориш фаро гирифта, танҳо рӯзона дар ноҳияҳои алоҳидаи кӯҳӣ борони кӯтоҳмуддат пешгӯӣ мегардад. Ҳарорат дар водиҳои шимоли Тоҷикистон шабона 14+19 дараҷа гарм, рӯзона 25+30 дараҷа гарм, дар ноҳияҳои кӯҳӣ шабона 2+7 ва рӯзона 15+20 дараҷа гарм дар назар аст.

Вилояти Хатлонро ҳавои тағйирёбандаи бебориш дар пеш буда, ҳарорат дар водиҳо шабона 15+20 ва рӯзона 33+38 дараҷа гарм, дар доманакӯҳҳо шабона 11+16 ва рӯзона ба 24+29 дараҷа гармӣ хоҳад расид.

Шаҳру ноҳияҳои тобеи ҷумҳуриро ҳавои тағйирёбанда, асосан бебориш фаро мегирад. Ҳарорат дар водиҳо шабона 12+17, рӯзона 27+32 дараҷа гарм хоҳад шуд. Дар ноҳияҳои кӯҳӣ шабона 7+12 дараҷа гарм, дар баъзе ноҳияҳо рӯзона 22+27 дараҷа гармӣ пешгӯӣ мешавад.

Душанберо ҳавои камабри бебориш дар пеш буда, ҳарорат шабона 16+18 дараҷа ва рӯзона 32+34 дараҷа гарм мешавад, омадааст дар иттилоия.

Добавить комментарий

Ваш адрес email не будет опубликован. Обязательные поля помечены *

Back to top button