АВБОШИИ МАРДУ ЗАН ДАР КОНИБОДОМ, ҒОРАТГАРӢ ДАР “ПОДЗЕМКА”-И ПЕШИ СИРК ВА 13 ҲАЗОР ДОЛЛАР БАРОИ ҚИТЪАИ ЗАМИН
АВБОШИИ МАРДУ ЗАН ДАР КОНИБОДОМ, ҒОРАТГАРӢ ДАР “ПОДЗЕМКА”-И ПЕШИ СИРК ВА 13 ҲАЗОР ДОЛЛАР БАРОИ ҚИТЪАИ ЗАМИН
Зани 33-сола ва ҷавони 24-солаи сокинони шаҳри Конибодом 4-уми марти соли 2023, тахминан соати 12:30-дақиқа, дар ошхонаи «Ваҳдат»-и ҳамин шаҳр, ҳангоми хӯрок омода намудан аз ҳиссиёти авбошӣ нисбати якдигар дашномҳои қабеҳ гуфта, бе ягон асос ҳамдигарро лату кӯб намуда, зани 33-сола бо истифода аз асбоби чӯбии нонросткунӣ ва пиёла ба сари ҷавони 24-сола задааст.
Ҷавони 23-солаи сокини шаҳри Душанбе шаби 26-уми феврали соли 2023, тахминан соати 22:30-дақиқа, ҳангоми дар дохили роҳи зеризаминӣ, воқеъ дар кӯчаи С.Шерозӣ қарор доштанаш бо истифодаи зӯроварӣ аз дасти марди 27-солаи сокини пойтахт, 1-адад телефони мобилии тамғаи «Самсунг»-ро тасарруф намуда, аз ҷойи ҳодиса ғайб задааст.
ххххххххххх
Марди 56-солаи сокини шаҳри Исфара моҳи феврали соли 2014 бо роҳи фиреб ба боварии ҷавони 24-солаи сокини шаҳри мазкур даромада, ба ваъдаи гирифта додани қитъаи замини наздиҳавлигӣ ба масоҳати 0,06 га аз ҳудуди шаҳри Исфара 13 ҳазор доллари амрикоиро гирифта ба манфиати шахсиаш сарф намудааст.