Маҳбуси фирорӣ дар Конибодом боздошт шуд
Ин маҳбус, ки бо кумаки як зиндонбон фирор карда буд, ҳамакнун дар шаҳри Конибодом боздошт гардид. Мақомоти ҳифзи ҳуқуқ ӯро беш аз як моҳ ҷустуҷӯ доштанд
ДУШАНБЕ, 1 окт — Sputnik. Маҳбуси фирорӣ Аҳмадбек Саидов, ки шаби 18 ба 19 — уми августи соли ҷорӣ аз боздоштгоҳи рақами № 1-и шаҳри Душанбе фирор карда буд, дар Конибодом боздошт шуд.
Ҷустуҷӯи ӯ як моҳ зиёд идома дошт ва ҳоло мақомоти зиндонбонӣ ва амнияти Суғд ӯро дастгир намуданд.
Як манбаъ аз Раёсати иҷрои ҷазои ҷиноятии Суғд дар таъйиди ин хабар ба Sputnik Тоҷикистон гуфт, ки боздошти Саидов зуҳри якуми октябр даст додааст.
«Дар зимни корҳои ҷустуҷӯӣ маълум гардид, ки маҳбуси фирорӣ дар ҳудуди шаҳри Конибодом панаҳ бурдааст. Ӯ аз ҷониби мақомот дастгир карда шуд», — гуфт, манбаъ.
Саидов Аҳмадбек Амробекович, сокини 35 -солаи ҷамоати деҳоти Заргари ноҳияи Кӯшониёни вилояти Хатлон гуфта мешавад, ки дар содир намудани ҷиноят бо моддаи 249- и асноди ҷиноӣ “роҳзанӣ” муттаҳам дониста шуда, вале 15 сол ба ин тараф дар шумори афроди ҷинояткор ҷустуҷӯ мешуд.
Чанд моҳ қабл ӯ дар ҳудуди Русия дастгир шуда ба Тоҷикистон интиқол ёфт ва дар боздоштгоҳи рақами № 1 шаҳри Душанбе нигаҳдорӣ мешуд.
