Маскав: Дар хобгоҳи муҳоҷирон сӯхтор рух дод!

Бегоҳи рӯзи 17-уми июл дар ноҳияи Одинсоваи шаҳри Маскав дар хобгоҳи муҳоҷирон сӯхтор рух додааст.

Навори лаҳзаи хомӯш кардани алангаи сӯхтор аз ҷониби оташнишонон ба шабакаҳои иҷтимоӣ роҳ ёфт. Маълум аст, ки дар хобгоҳи мазкур муҳоҷирони тоҷик низ иқомат мекардаанд, аммо феълан маълум нест, ки касе аз онҳо бар асари ин ҳодиса осеб дидааст ё не.

Гуфта мешавад, ки либосу ҳуҷҷатҳои муҳоҷирон пурра сӯхта, хокистар шудаанд.