Тағйироти кадрӣ дар соҳаи маориф: киҳо вазифа гирифтанду киҳо тарки мансаб

Бо судури чанд қарори роҳбари давлат дар як қатор донишгоҳу институтҳо ва муассисаҳои таълимиӣ тағйироти кадрӣ сурат гирифт

ДУШАНБЕ, 13 июл — Sputnik. Эмомалӣ Раҳмон роҳбари давлат бегоҳи рӯзи 13 июл бо имзои чанд қарор дар соҳаи маориф тағйироти кадрӣ анҷом дод.

Дар ин бора дафтари матбуоти роҳбари давлат хабар дода, матни қарорҳои президентро нашр намудааст.

Бо қарори Раҳмон, ректори Донишгоҳи давлатии тиҷоратии Тоҷикистон аз вазифа барканор шуд.

«Қурбонзода Маҳмадалӣ Раҳмат бо сабаби ба кори дигар гузаштан аз вазифаи ректори Донишгоҳи давлатии тиҷорати Тоҷикистон озод карда шавад», — омадааст дар хабарномаи котиботи президент.